ილონ მასკის ქალიშვილი, ვივიან ჯენა უილსონი, დონალდ ტრამპის გამარჯვების შემდეგ ქვეყნის დატოვებას გეგმავს. მიზეზად კი ტრანსგენდერების უფლებების დარევას ასახელებს.
“ამაზე დიდი ხნის განმავლობაში ვფიქრობდი, გუშინ კი საბოლოოდ დადასტურდა. მე ვერ ვხედავ ჩემს მომავალს აშშ-ში. მაშინაც კი,თუ ის თანამდებობაზე მხოლოდ 4 წლის განმავლობაში იქნება” – დაწერა უილსონმა Threads-ზე ტრამპის გამარჯვების შემდეგ.
ცნობილია, რომ უილსონმა მასკთან ურთიერთობა 2022 წელს გაწყვიტა, როცა სქესისა და გვარის შეცვლა გადაწყვიტა. მანამდე მასკმა შვილს “კომუნისტი” უწოდა და განაცხადა, რომ მას “ყველა მდიდარი ბოროტი ჰგონია.” უილსონი ერთ-ერთია იმ ექვსი შვილიდან, რომელიც მას თავის პირველ მეუღლესთან, ჯასტინ უილსონთან შეეძინა.
“ის სოციალიზმს გასცდა და კომუნისტად ჩამოყალიბდა, რომელიც თვლის, რომ ნებისმიერი მდიდარი ბოროტია”, – ამბობდა მასკი.
მიუხედავად იმისა, რომ ვივიენს ყურადღების ცენტრში ყოფნა არ უყვარს, ის სოციალურ მედიას თავისი აზრის დასაფიქსირებლად და მამის საქციელის გასაკრიტიკებლად იყენებს.
