თბილისში მოქმედი მზარდი სტარტაპი, რომელიც ოპერირებს თვითმცლელისა და ევაკუატორის მომსახურებით, აცხადებს კონკურსს განვითარების მენეჯერის პოზიციაზე.

ვეძებთ პასუხისმგებელ, ორგანიზებულ და კომუნიკაციის ძლიერი უნარების მქონე კანდიდატს, რომელიც ჩაერთვება ოპერაციული პროცესების მართვაში, კლიენტების მოზიდვაში და მძღოლების შერჩევასა და დასაქმებაში.

⸻

ძირითადი პასუხისმგებლობები

ოპერაციული მართვა

• სატრანსპორტო პარკის (თვითმცლელი და ევაკუატორი) ყოველდღიური მუშაობის კოორდინაცია;

• მარშრუტების, დატვირთვისა და სამუშაო გრაფიკის დაგეგმვა;

• მძღოლებისთვის დავალებების განაწილება და პროცესების მონიტორინგი;

• გადაუდებელ სიტუაციებზე სწრაფი და ეფექტიანი რეაგირება;

• ტექნიკური ხარვეზების შემთხვევაში შესაბამის სერვისებთან კომუნიკაცია.

მძღოლების შერჩევა და დასაქმება

• ახალი მძღოლების მოძიება (Facebook ჯგუფები, რეკომენდაციები, განცხადებები);

• კანდიდატებთან პირველადი გასაუბრებების ჩატარება;

• დოკუმენტებისა და მართვის გამოცდილების შემოწმება;

• სანდო, პასუხისმგებელი და დისციპლინირებული მძღოლების შერჩევა;

• ახალი მძღოლებისთვის წესების და ინსტრუქციების გაცნობა;

• მძღოლების შესრულებული სამუშაოს და დისციპლინის კონტროლი.

კლიენტებთან ურთიერთობა

• ახალი კლიენტების მოზიდვა (ზარები, სოციალური ქსელები, რეკლამებიდან შემოსული მოთხოვნები);

• ფასების შეთავაზება და მომსახურების პირობების შეთანხმება;

• არსებული კლიენტების მხარდაჭერა და კომუნიკაცია;

• უკუკავშირის მიღება და მომსახურების ხარისხის კონტროლი.

ადმინისტრაციული პროცესები

• შესრულებული სამუშაოების აღრიცხვა და რეპორტების მომზადება;

• ოპერაციული და ფინანსური მონაცემების მოწესრიგება;

• შიდა წესებისა და დისციპლინის დაცვა;

• საჭირო დოკუმენტაციის წარმოება.

სტარტაპის განვითარებაში მონაწილეობა

• ოპერაციების ეფექტიანობის გაუმჯობესების იდეების შეთავაზება;

• ბაზრისა და კონკურენტული გარემოს ანალიზი;

• მარკეტინგულ აქტივობებში მონაწილეობა;

• ბრენდის იმიჯისა და სანდოობის გაძლიერება.

⸻

საკვალიფიკაციო მოთხოვნები

პროფესიული უნარები

• სასურველია ქალი, 25–40 წლის ასაკში;

• გამოცდილება ტრანსპორტის, ლოჯისტიკის, კოორდინაციის ან მომსახურების სფეროში — უპირატესობა, მაგრამ არა სავალდებულო;

• საოფისე პროგრამების ცოდნა:

• Microsoft Word / Excel

• Google Docs / Sheets / Drive

• PDF ფაილებთან მუშაობა

• კომუნიკაციის პლატფორმების მოსარგებლეობა (WhatsApp, Messenger, Instagram Direct, Facebook Page Admin);

• გამართული ქართული ენა;

• რუსული ან ინგლისური ენის ცოდნა ჩაითვლება უპირატესობად.

პიროვნული თვისებები

• მაღალი პასუხისმგებლობა და ორგანიზებულობა;

• სტრესულ სიტუაციებში სწრაფი გადაწყვეტილების მიღების უნარი;

• ძლიერი კომუნიკაბელურობა და ადამიანებთან ეფექტური ურთიერთობა;

• დეტალებზე ორიენტირებულობა, პუნქტუალურობა და დისციპლინა;

• განვითარებისა და პროფესიული წინსვლის სურვილი.

⸻

ანაზღაურება და კარიერული განვითარება

• პირველი 3 თვე: 1500 ლარი + ბონუსი;

• 3 თვის შემდეგ: 2000 ლარი + გაზრდილი ბონუსი;

• ბონუსები დამოკიდებულია:

• მოზიდული კლიენტების რაოდენობაზე

• შესრულებული ოპერაციების ხარისხზე

• კომპანიის გაფართოების პარალელურად იზრდება ანაზღაურებაც და პოზიციაც;

• კარიერული განვითარება:

ოპერაციების უფროსი

დეპარტამენტის მენეჯერი

⸻

დამატებითი ბენეფიტები

• უფასო სამგზავრო ბარათი (სამსახურებრივ გადაადგილებაზე);

• კომპანიის მობილური ტელეფონი და სამუშაო ნომერი;

• ულიმიტო ინტერნეტი და სასაუბრო პაკეტები.

⸻

სამუშაო ადგილი: თბილისი

CV გამოაგზავნეთ: DarGroupGeorgia@gmail.com