ხვიჩა კვარაცხელიას ლიონთან ჩინებული თამაშის შემდეგ, ჟურნალმა Foot მას საგანგებო წერილი მიუძღვნა სახელწოდებით – “კვარაცხელიასთან ერთად ყველაფერი კარგადაა, მადლობა, რომ ის ჩვენთან მოიყვანეთ”. სტატიაში ვკითხულობთ:

“უნივერსალურობა, კონკურენტუნარიანობა, დაცვაში თამაში – ამ ზამთარს პსჟ-ში გამოჩენის შემდეგ, კვარაცხელია საკუთარი ტალანტის დემონსტრირებას ახდენს და გუნდში მისი როლიც დღითიდღე იზრდება. საწყის მატჩებში შედარებით მოკრძალებული პერფორმანსის მერე, სიტუაცია შეიცვალა. მონაკოსთან ხვიჩას სარგებლობა კარგად გამოჩნდა, ლიონთან კი აშკარა ლიდერი იყო. ის ნაბიჯ-ნაბიჯ გვაჩვენებს, რატომ გადაიხადა საფრანგეთის ჩემპიონმა მის სანაცვლოდ 70 მილიონი ევრო. ნათელია, რომ საუკეთესო ფეხბურთელის დაკარგვის გამო, ნაპოლი დიდი პრობლემის წინაშე აღმოჩნდა”.

ALLEZPARIS: “პსჟ-ში გადასვლიდან რამდენიმე კვირაში ხვიჩა კვარაცხელია თავისი შესაძლებლობების გამოჩენას იწყებს. გასული სატრნსფერო ფანჯრის პერიოდში ის პარიზელთა ერთადერთი ახალწვეული გახლდათ, რომლის სანაცვლოდაც 70 მილიონი ევრო გადაიხადეს. როგორც მოსალოდნელი იყო, ხვიჩას რთული სტარტი ჰქონდა, ახლა კი, მატჩიდან მატჩამდე უმატებს და ლიონთან შეხვედრაში საუკეთესო მოთამაშედაც დაასახელეს. კვარაცხელიამ გასულ ტურში მარჯვენა ფლანგზე ითამაშა, თუმცა, იქაც გვიჩვენა რამხელა პოტენციალი გააჩნია. მართალია, მას გოლი არ გაუტანია, მაგრამ დემბელე საგოლე პასით მოამარაგა, რამდენიმე ეპიზოდში კი საოცარი ტექნიკური უნარები წარმოაჩინა. არცთუ კარგ მინდვრის საფარზე უდიდესი სამუშაო გასწია და გვაჩვენა რამხელა ტალანტს ფლობს”.

ხვიჩას ფაქტორს საგანგებო განხილვა მიუძღვნა Sky Calcio Club-მა, სადაც შემდეგი ითქვა: “სერია A-ში ნაპოლის დომინირება მკვეთრად შემცირდა მე-19 ტურის შემდეგ. ანტონიო კონტეს გუნდის მთავარ პრობლემად შეტევაში თამაში იქცა, რაზეც გოლების ნაკლებობა მეტყველებს. უდავოა, რომ კვარაცხელიას წასვლამ კლუბს დაღი დაამჩნია. ნაპოლიში ჩათვალეს, რომ კვარაცხელიას სახით ძლიერ ფეხბურთელს კი უშვებდნენ, თუმცა, სხვა ძლიერს მიიყვანდნენ. შეცდომა სწორედ აქ იქნა დაშვებული. უბრალოდ ციფრებისთვის თვალის გადავლებაც კი საკმარისია იმის გასაგებად, მას გუნდის წარმატებაში რა როლი ჰქონდა. ქართველმა ფეხბურთელმა ნაპოლი უკვე თვეზე მეტია დატოვა, თუმცა, ჯერაც გუნდის ლიდერად რჩება დარტყმების, მოსალოდნელი გოლების კოეფიციენტისა და შექმნილი მომენტების მხრივ”.

შეგახსენებთ, რომ ხვიჩა კვარაცხელიამ პარი სენ-ჟერმენში ყველა ტურნირზე 9 შეხვედრაში 2 გოლი და 3 საგოლე პასი მიითვალა. ლიონთან თამაშში ის პირველად გახდა ლიგა 1-ში მატჩის საუკეთესო ფეხბურთელი. პსჟ საფრანგეთის ჩემპიონატს 13-ქულიანი უპირატესობით ლიდერობს და ძნელი წარმოსადგენია, ჩემპიონი ვერ გახდეს. პარიზელები პირველ მარტს ლილს უმასპინძლებენ.

europop

spazionapoli-ში ჟურნალისტმა ჯუზეპე ფერარამ სტატია გამოაქვეყნა სათაურით – “ნაპოლის” თავისუფალი ვარდნა და კრიზისი სახელად კვარაცხელია.

ავტორი წერს, რომ ყველაფერი ხვიჩას პსჟ-ში გადასვლასთანაა დაკავშირებული, რამაც გუნდი მორალურად გატეხა, ეს კლუბის ბოლო საშინელი სატრანსფერო ფანჯრითაა გამოწვეული, 75 მილიონის სანაცვლოდ უზარმაზრი პრობლემა მიიღეს, რასაც მოთამაშეთა ტრავმები დაემატა და სიტუაცია საგანგაშოა.

sportall.