ჩვენი სერვისები
საინფორმაციო ბლოგი
ეს არის მარტივი საინფორმაციო საიტი, რომელიც ძირითადად განკუთვნილია გარკვეული ინფორმაციის გადმოსაცემად. ეს ინფორმაცია შეიძლება იყოს მარტივი, ან ბლოგ-პოსტების სახით. უმეტეს შემთხვევაში ასეთი საიტები რაიმე თემატიკაზეა ხოლმე აგებული, ასევე შეიძლება იყოს ახალი ამბების საიტი, პროდუქტის ან კომპანიის წარმოსაჩენი გვერდი, ან რამე სპეციფიკური მიზნისთვის განკუთვნილი. ასეთ საიტებს არ ჭირდებათ საბანკო გადახდები, რთული ფილტრების სისტემა, სხვადასხვა მომხმარებელთა როლები ან ისეთი სპეციფიკური ფუნქციები, როგორიცაა ესემესების დაგზავნა, რუკები, შეკვეთები და ასე შემდეგ. საიტის ფასი დგინდება იმის მიხედვით, თუ ინფორმაციის გადმოცემის გარდა რა დამატებითი ფუნქციონალია გასაკეთებელი, ასევე რამდენი სამუშაოა დიზაინის კუთხით შესასრულებელი.
ონლაინ მაღაზია
ეს არის პროდუქციის გასაყიდი ონლაინ მაღაზიის საიტი, საიდანაც ხდება პროდუქციის გაყიდვა, შეკვეთა, ან განვადებით გამოტანა. ასეთ საიტებს შეიძლება ქონდეთ როგორც მარტივი, ასევე რთული ფუნქციონალი. საიტზე ყველა პროდუქტს აქვს თავისი პარამეტრები და ფილტრები, ასევე დახასიათება და შესაძლოა სხვა დამატებითი ინფორმაციის ველებიც. საიტზე როგორც წესი არის საბანკო გადახდის სისტემები, განვადების ფუნქციონალი, ესემესების დაგზავნა, მესიჯების დაგზავნა, პროდუქტის გაგზავნა დანიშნულების ადგილამდე, პროდუქტის სიის გასაფილტრი და დასალაგებელი ფუნქციები და სხვა მრავალი ფუნქცია. ონლაინ მაღაზიის დამზადების ფასის დადგენა ხდება ფუნქციების რაოდენობიდან და სირთულიდან გამომდინარე.
განცხადებების დაფა
ეს არის მულტივენდორული საიტი, სადაც მრავალ მომხმარებელს შეუძლია საიტზე დარეგისტრირება და თავისი განცხადების განთავსება. განცხადებები შეიძლება იყოს სხვადასხვა ტიპის და შესაბამისად ქონდეს სხვადასხვა პარამეტრები და ფილტრები. სხვა საიტებისგან განსხვავებით ასეთ საიტზე საჭიროა მომხმარებლის პროფილის გვერდის გაკეთება, სადაც მომხმარებელს შეეძლება განცხადებების დამატება, წაშლა, რედაქტირება, წერილების გაგზავნა, ბალანსის შევსება და სხვა ოპერაციები. განცხადებების საიტი კარგად ოპტიმიზირებულიც უნდა იყოს, ხოლო თუ გასაკეთებელია საიტიდან გაყიდვის ფუნქციონალი, ასეთ დროს საიტის სირთულე მკვეთრად იზრდება და ძალზე შრომატევადი ხდება, ამიტომ განცხადებების საიტის დამზადების ფასი დგინდება სირთულიდან და სპეციფიკური ფუნქციების საჭიროებიდან გამომდინარე.
კომპანიის, პერსონალური საიტი
ასეთი ტიპის საიტი როგორც წესი მარტივი საინფორმაციო საიტია, სადაც მთავარი ადგილი უჭირავს ინფორმაციას კომპანიაზე ან პიროვნებაზე, ასევე შეიძლება იყოს გარკვეული დამატებითი ინფორმაცია, საკონტაქტო მონაცემები, ისტორიული ან ბიოგრაფიული ფაქტები და სხვა. საიტის მთავარი დანიშნულებაა სწორად და ეფექტურად წარმოაჩინოს კომპანია(ან პიროვნება). ამ ტიპის საიტის დამზადების ფასი ძირითადად დამოკიდებულია დიზაინის შემუშავების სირთულეზე.
ლენდინგი
ეს არის ერთი გარკვეული მიზნისთვის შექმნილი საიტი და მისი დანიშნულებაა ამ მიზნის მისაღწევად დაარწმუნოს მომხმარებელი განახორციელოს გარკვეული ქმედება. საიტი შეიძლება იყოს რაღაც პროდუქტის ან ღონისძიების რეკლამა, ან შეთავაზება, ან უბრალოდ რაიმეს პოპულარიზაცია. ლენდინგის დამზადებისას ძირითადი სირთულე მოდის მის სწორ მარკეტინგულ გათვლებზე და მიმზიდველი დიზაინის შექმნაზე, შესაბამისად ფასიც ამის მიხედვით დგინდება.
საბაზისო შაბლონი
მათთვის, ვისაც სურს თავისი ხელით დაამზადოს საიტი, მაგრამ არ აქვს საკმარისი კომპეტენცია, ან არის დამწყები დეველოპერი, გვაქვს სპეციალური შეთავაზება. ხელსაყრელ ფასად შეგვიძლია 1 დომენზე დავაყენოთ ელემენტორითა და კროკობლოკის პლაგინებით აწყობილი საიტის შაბლონი, რომელსაც ექნება საჭირო პლაგინები, ძირითადი ფუნქციონალი, მომხმარებლის კაბინეტი და მარტივი გადაკეთებით შეიძლება მისგან გამართული საიტის მიღება. ფასში შედის კროკობლოკის პლაგინების Life Time ვერსია. ზმთლიანი ფასი დამოკიდებულია საჭირო კონსულტაციების რაოდენობაზე.
პორტფოლიო
ჩვენს შესახებ
WEB საიტების დამზადება WordPress ტექნოლოგიებით, საიტების ნულიდან აწყობა Elementor-ის მეშვეობით, საიტების ოპტიმიზაცია, საიტების Markup-ის აწყობა, Manual ტესტირება, სრული ოპტიმიზაცია და დამზადების შემდგომი მომსახურება, ასევე ხარვეზების გასწორება და UX/UI ინტერფეისის გაუმჯობესება.
მნიშვნელოვანი კითხვები
ვის ჭირდება საიტი
დღეისთვის ინფორმაციის გავრცელების საუკეთესო გზა ინტერნეტია, ამიტომ თუ გჭირდებათ ინფორმაციის გავრცელება, ესეიგი გჭირდებათ მისი განთავსება ინტერნეტში. ამისთვის შეგიძლიათ გამოიყენოთ სხვადასხვა საიტები, სოციალური ქსელები, მაგრამ თუ საკუთარი, ავტონომიური და ორიგინალური გვერდი გინდათ გქონდეთ, ამისთვის არის საჭირო საკუთარი საიტის ქონა. მიუხედავად იმისა, რომ საიტის შექმნა ხარჯებთანაა დაკავშირებული, ნებისმიერი შემოსავლიანი ბიზნესისთვის ეს მაინც აუცილებელია, უბრალოდ მთავარია სწორად განვსაზღვროთ რა ტიპის, რა ბიუჯეტისა და რა ფუნქციონალობის საიტი უნდა გავაკეთოთ. სტუდია კურსორში შეგიძლიათ წინასწარ მიიღოთ კონსულტაციები ამის შესახებ.
როგორი საიტი გვჭირდება
პირველ რიგში სწორად უნდა ჩამოვაყალიბოთ ჩვენი საიტის დანიშნულება და მიზნები, ასევე სწორედ უნდა ვივარაუდოთ რისი გაკეთება შეუძლია მას ჩვენი საქმისთვის. მხოლოდ ამის შემდეგ უნდა განვსაზღვროთ დამზადების ბიუჯეტი და ბიუჯეტიდან გამომდინარე განვსაზღვროთ ის ტექნოლოგიები, რითიც უნდა მოხდეს საიტის დამზადება.
არსებობს უამრავი საშუალება საიტის დასამზადებლად, ყველა მათგანს აქვს თავისი პლიუსები და მინუსები, ამიტომ ჯობია მცოდნე და გამოცდილმა დეველოპერმა განსაზღვროს რისი გაკეთებაა უმჯობესი შემკვეთის საქმისთვის. აქ ერთადერთი პრობლემაა მხოლოდ პატიოსანი კონსულტაციის მიღება. თუ მოხდება ჩამოყალიბება რა ბიუჯეტში და რა ტექნოლოგიით უნდა დამზადდეს საიტი, ამის მერე უნდა ჩამოიწეროს საიტის ფუნქციონალი, დიზაინის თავისებურებები, ბიზნეს-გათვლები და სხვა უამრავი საკითხი რაც საიტის დამზადებისთვის არის საჭირო. ესეც აუცილებლად გამოცდილ და მცოდნე დეველოპერთან შეთანხმებით უნდა მოხდეს. სტუდია კურსორში შეგიძლიათ წინასწარ მიიღოთ ყველა საჭირო ინფორმაცია და გაიაროთ კონსულტაციები ამ ყველაფრის შესახებ.
Wordpres-ის შესაძლებლობები
Wordpress პლატფორმა არის უზარმაზარი სისტემა უზარმაზარი შესაძლებლობებით. აქ შეგიძლიათ გააკეთოთ საიტები სრულიად უფასოდ საკუთარი ძალებით, ან გააკეთებინოთ სხვას ძალიან იაფად, თუმცა პრაქტიკა გვიჩვენებს, რომ ბიზნესზე იდეალურად მორგებული საიტის გაკეთება მხოლოდ მაშინ ხდება, როცა ხდება საჭიროებების სრულად შესწავლა, გაანალიზება და ყველაფრის ნულიდან აწყობა ორიგინალური დიზაინითა და ფუნქციონალით. შემკვეთმა თვითონ უნდა განსაზღვროს რამდენად ღირს მისი საქმისთვის ასეთი მიდგომა, რომ დანახარჯებმა საიტიდან მიღებული სარგებელი არ გადაწონოს. სტუდია კურსორში შეგიძლიათ ამ საკითხზე პროფესიონალური რჩევები მიიღოთ.
როგორია სრულად ოპტიმიზირებული საიტი
სრულად ოპტიმიზირებული საიტი ნიშნავს ყველა კომპონენტში კარგად გათვლილ და დეტალურად ოპტიმიზირებულ საიტს:
– ასეთი საიტი თავიდანვე სწორი გათვლებით კეთდება, რადგან კარგად არის გაანალიზებული მარკეტინგული ბიზნეს-გათვლები, კონკურენტები და აუდიტორია.
– საიტზე გამოიყენება დიზაინისა და ფუნქციონალის საუკეთესო გამოცდილება, რადგან შესწავლილია ყველა კონკურენტი საიტის დიზაინი და ფუნქციონალი.
– საიტი დამზადებულია ყველა საჭირო სტანდარტებისა და მოთხოვნების დაცვით რაც არის მსოფლიო პრაქტიკაში დანერგილი. ასეთი სტანდარტებია: სწრაფი ჩატვირთვა, კარგი UX/UI ინტერფეისი, SEO ოპტიმიზაცია და სხვა მრავალი. ჩვეულებრივ მარტივი საიტის დამზადება 2 ეტაპს მოიცავს: გაანალიზება-დამზადება, სრულად ოპტიმიზირებული საიტისთვის ეს გრძელი პროცესია და ასეთ ეტაპებს მოიცავს: შესწავლა-გაანალიზება-დაგეგმვა-დამზადება-ოპტიმიზაცია-ტესტირება-მომსახურება. სტუდია კურსორი სპეციალიზდება სრულად ოპტიმიზირებული საიტების დამზადებაზე.
რა უნდა იცოდეს შემკვეთმა
საიტის შემკვეთმა უნდა იცოდეს რამდენიმე მნიშვნელოვანი ასპექტი, რათა წარმატებული და ეფექტური ვებსაიტი შეიქმნას:
– საიტის მიზნები და დანიშნულება. ეს არის ის ბაზა, რითიც ხდება სხვა დანარჩენის განსაზღვრა. დამზადების ბიუჯეტიც, ტექნოლოგიაც, დიზაინიც და ფუნქციონალიც საიტის დანიშნულებიდან გამომდინარეობს.
– საიტის დამზადების ბიუჯეტის ოპტიმალური განსაზღვრა. არ შეიძლება დიდი ხარჯების გაწევა ისეთ ბიზნესზე, რომელსაც გაურკვეველი პერსპექტივა აქვს და მინიმალური მოგებაა მოსალოდნელი, ასევე არ შეიძლება ეკონომიის გაწევა ისეთ ბიზნესზე, რომლისგანაც დიდ მოგებასა და ფართო აუდიტორიაზე გასვლას ვგეგმავთ.
– საიტის დამზადების ყველა კომპონენტში გარკვევა და შეთანხმება. მიუხედავად იმისა, რომ შემკვეთების უმრავლესობა ვერ ერკვევა საიტის დამზადების ტექნოლოგიებში, მაინც საჭიროა რომ შემკვეთი ყველაფრის საქმის კურსში იყოს და დეველოპერთან მოხდეს ყველა დეტალზე წინასწარი შეთანხმება. ასევე უნდა მოხდეს შეთანხმება გაუთვალისწინებელ და სადაო შემთხვევებზეც.
– დამზადების პროცესში უნდა ხდებოდეს აქტიური კომუნიკაცია და საჭიროების შემთხვევაში შესწორებების შეტანა.
რა საკითხებია შესათანხმებელი
1. საიტის დანიშნულების გარკვევა, მიზნები და ბიზნეს-გათვლები.
2. დამზადების ბიუჯეტი და ვადები, შესაძლო დარღვევები გრაფიკიდან.
3. გამოყენებული ტექნოლოგიები, ჰოსტინგი და ტექნიკური საკითხები.
4. დიზაინის სტილი, ბრენდირების საკითხები.
5. საჭირო ფუნქციონალის ჩამონათვალი.
6. დამზადების შემდგომი ტექნიკური მომსახურება.
7. საჭიროების შემთხვევაში ჩასწორებების შეტანაზე და გადაკეთებაზე შეთანხმება.
რა დრო ჭირდება საიტის დამზადებას
საიტის დამზადების დრო დამოკიდებულია მის სირთულეზეც, ორიგინალობაზეც და იმაზეც, თუ რა მიდგომით მზადდება. მაგალითად, ვორდპრესზე შეიძლება ფასიანი თემის საშუალებით მოკლე დროში რთული საიტის გაკეთება, მაგრამ როცა საჭიროა სრულად ოპტიმიზირებული საიტის დამზადება ორიგინალური დიზაინით, იქ დამზადების დრო მკვეთრად იზრდება. ასევ იზრდება დრო რთული და არასტანდარტული ფუნქციონალის დამატებისას. ზოგადად, მარტივი საიტისთვის სადღაც 1 კვირიდან 1 თვემდეა განსაზღვრული დამზადების დრო, რთული საიტის დამზადებისას 1 თვიდან რამოდენიმე თვემდე. ცხადია აქ იგულისხმება გამართული საიტის დამზადება, რომელიც გატესტილია და ყველა პარამეტრი, მათ შორის SEO ოპტიმიზაცია გამართულად მუშაობს. სტუდია კურსორში მხოლოდ ყველანაირად გამართული, ოპტიმიზირებული და გატესტილი საიტები მზადდება.
საიტის დამზადების ფასი
საიტის ფასი ძირითადად იმაზეა დამოკიდებული, რამდენი მუშაობაა საჭირო მის დასამზადებლად. ვორდპრესი იძლევა იმის საშუალებას, რომ რთული საიტები დამზადდეს იაფად და მარტივად, მაგრამ როცა საიტი მზადდება ნულიდან მარკეტინგული ბიზნეს გათვლებით და არის სრულად ოპტიმიზირებული, ამ დროს მარტივი საიტიც კი დიდი მოცულობის სამუშაოების ჩატარებას მოითხოვს და შესაბამისად, ფასიც დიდი აქვს. ისიც ცნობილია, რომ საიტის ხარისხის გასაუმჯობესებლად შეიძლება იმაზე მეტი სამუშაოს ჩატარება გახდეს საჭირო, ვიდრე მის დამზადებას დაჭირდა. აქედან გამომდინარე, საიტის შემკვეთმა თვითონ უნდა განსაზღვროს სტანდარტული და იაფი საიტი აწყობს თუ გაცილებით ძვირი, მაგრამ უფრო სრულყოფილი და მაქსიმალურად ოპტიმიზირებული.
რჩევები საიტის მფლობელებს
– საიტის დამზადება გონივრული გათვლებით უნდა მოხდეს, არასწორმა გათვლებმა შეიძლება ძალიან დიდი ხარჯები გამოიწვიოს და ბოლოს აღმოჩნდეს, რომ საიტს რეალურად არ აქვს პერსპექტივა.
– საიტის დამზადებისას შემკვეთი მზად უნდა იყოს, რომ შეიძლება ახლიდან მოუწიოს მისი დამზადება, რადგან ხშირად დამზადების შემდეგ აღმოჩნდება, რომ თურმე ყველაფერი სხვანაირად უნდა გაკეთებულიყო.
– საიტის შეფასება არ შეიძლება იმის მიხედვით, რამდენად მოწონს ის შემკვეთს ან რამდენად ლამაზია ვიზუალურად, საიტი აუცილებლად უნდა შეფასდეს მხოლოდ და მხოლოდ მომხმარებლის თვალით, ანუ რამდენად მოსახერხებელი და კომფორტულია ის მომხმარებლისათვის.
– კარგი საიტი აუცილებელია, მაგრამ არა საკმარისი წარმატებისთვის, ზოგჯერ რეკლამა და ბიზნესის სტრატეგია გაცილებით უფრო მნიშვნელოვანია.
– აუცილებელია საიტზე მუდმივი სიახლეების დანერგვა. პრაქტიკამ აჩვენა, რომ ნებისმიერ საიტს ჭირდება მუდმივი გაუმჯობესება, რადგან მხოლოდ მუშაობის პერიოდში ჩანს რა არის საიტისთვის და მომხმარებლისთვის უკეთესი.